• ໃນວັນທີ 01 ຕຸລາ 2018 ເວລາ 14:00 ໂມງ ກົມສົ່ງເສີມການຄ້າ, ກະຊວງອຸດສາຫະກໍາ ແລະ ການຄ້າ ຮ່ວມກັບ ບໍລິສັດ ພີພີໄຊໂຍ ເອັນຕະເທັນເມັນ ແອນອີເວັນອໍກາໄນເຊີ ຈຳກັດ ໄດ້ຈັດງານວາງສະແດງລົດນານາຊາດວຽງຈັນ ຄັ້ງທີ III ຂຶ້ນຢ່າງເປັນທາງການຊຶ່ງງານວາງສະແດງດັ່ງກ່າວຈັດເປັນເວລາ 9 ວັນ ເລີ່ມແຕ່ວັນທີ 29 ກັນຍາ ຫາ 07 ຕຸລາ 2018 ທີ່ ສູນການຄ້າລາວ-ໄອເຕັກ (ຕຶກເກົ່າ), ໃຫ້ກຽດເປັນປະທານເຂົ້າຮ່ວມໂດຍ ທ່ານ ພັນທອງ ພິດທຸມມາ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງໂຍທາທິການ ແລະ ຂົນສົງ,

  • ງານວາງສະແດງສິນຄ້າ ອາຊຽນແຟຣ໌ ຄັ້ງທີ 2 ໃດ້ເປີດເປັນທາງການ ໃນວັນທີ 20 ກັນຍາ 2018, ທີ່ ສູນການຄ້າສະຫວັນ-ໄອເຕັກ ແຂວງສະຫວັນນະເຂດ, ໃຫ້ກຽດເປີດງານເປັນທາງການໂດຍ ທ່ານ ສັນຕິພາບ ພົມວິຫານ ເຈົ້າແຂວງແຂວງສະຫວັນນະເຂດ, ທ່ານ ສີສັງຄົມ ໂຄດໂຍທາ ຮອງຫົວຫນ້າກົມສົ່ງເສີມການຄ້າ, ກະຊວງ ອຸດສາຫະກຳ ແລະ ການຄ້າ ຕາງໜ້າລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ,ທ່ານ ນາງ ສີລາມົນ ສີຂຽວ ປະທານ ບໍລິສັດເທນໂຊ ຈຳກັດ, ພ້ອມດ້ວຍແຂກຈາກພາກລັດ ແລະ ທຸລະກິດເຂົ້າຮ່ວມໃນພິທີເປີດງານດັ່ງກ່າວ.

  • ກອງປະຊຸມໄດ້ຈັດຂື້ນ ໃນວັນທີ 13 ສິງຫາ 2018 ກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ຮ່ວມກັບ ສະພາການຄ້າ ແລະ ອຸດສາຫະກຳ ແຫ່ງຊາດລາວ ໂດຍການເປັນປະທານຮ່ວມ ທ່ານ ໄຊສົມເພັດ ນໍຣະສິງຫ໌ ຮັກສາການຫົວໜ້າກົມສົ່ງເສີມການຄ້າ ແລະ ທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ ພ້ອມດ້ວຍໜ້າຈາກບັນດາຂະແຫນງການກ່ຽວຂ້ອງ, ສະມາຄົມ-ກຸ່ມທຸລະກິດ, ຜູ້ປະກອບການ ແລະ ບັນດາຊື່ມວນຊົນ ທີ່ມາເຂົ້າຮ່ວມໃນກອງປະຊຸມກະກຽມຄວາມພ້ອມໃຫ້ທຸລະກິດໃນການເຂົ້າຮ່ວມງານວາງສະແດງ.

  •      ກົມສົ່ງເສີມການຄ້າ ຮ່ວມກັບ ສູນອາຊຽນ-ຍີປຸ່ນ ໂດຍສົມທົບກັບ ພະແນກອຸດສາຫະກຳ-ການຄ້າ ໄດ້ຈັດກອງປະຊຸມສໍາມະນາໃນຫົວຂໍ້ “ Non-Equity Mode in Lao PDR- Promoting New form of Trade Between ASEAN and Japan ” ( ການຄ້າແບບບໍ່ແມ່ນຫຸ້ນສ່ວນຢູ່ ສປປ ລາວ - ສົ່ງເສີມການຄ້າຮູບແບບໃຫມ່ລະຫວ່າງບັນດາປະເທດອາຊຽນ ແລະ ຍີ່ປຸ່ນ. ເຊິ່ງຈັດຂຶ້ນໃນວັນທີ 26 ກໍລະກົດ 2018 ທີ່ ໂຮງແຮມ ຈຳສັກແກຣນ, ນະຄອນປາກເຊ ແຂວງຈຳປາສັກ.

  • ງານວາງສະແດງເຄື່ອງເຮືອນລາວຄັ້ງທີ 3 ໃດ້ເປີດເປັນທາງການ ໃນວັນທີ 09 ກໍລະກົດ 2018 ໂດຍການເຂົ້າຮ່ວມຂອງ ທ່ານ ສີສັງຄົມ ໂຄດໂຍທາ ຮອງຫົວຫນ້າກົມສົ່ງເສີມການຄ້າ, ກະຊວງ ອຸດສາຫະກຳ ແລະ ການຄ້າ, ທ່ານ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ, ຄະນະບໍລິຫານງານສະມາຄົມເຟີນີເຈີ້ລາວ ພ້ອມດ້ວຍແຂກຈາກພາກລັດ ແລະ ທຸລະກິດເຂົ້າຮ່ວມໃນພິທີເປີດງານ ທີ່ສູນການຄ້າລາວ-ໄອເຕັັກ.