ໃນວັນທີ 24 ກຸມພາ 2020 ໄດ້ເປີດພິທີງານ Vientiane Motor show 2020

ກົມ​ສົ່ງ​ເສີມ​ການ​ຄ້າ ກະຊວງອຸດສາຫະກຳ ແລະ ການຄ້າ ຮ່ວມກັບ ບໍລິສັດ ພີພີ ໄຊໂຍເອັນເຕີເທັນເມັນ ແອນອີ​ເວັນອໍກາໄນເຊີ ຈໍາກັດຜູ້ດຽວ ໄດ້ຈັດງານວາງສະແດງ Vientiane Motor show 2020 ເຊີ່ງໄດ້ຈັດຂື້ນໃນລະ ຫວ່າງວັນທີ 22 ກຸມພາ – 1 ມີນາ 2020 ທີ່ສູນການຄ້າ ລາວ – ໄອເຕັກ (ຕືກເກົ່າ), ນະຄອນຫຼວງວຽງຈັນ.

ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ ໄດ້ກ່າວວ່າ ການເປີດງານວາງສະແດງ Vientiane Motor show 2020 ເປັນການເພີ່ມການສ້າງໂອກາດໃຫ້ແກ່ຜູ້ປະກອບການທາງດ້ານທຸລະກິດລົດ ແລະ ໂຄສະ ນາໃຫ້ຄວາມຮູ້, ນະວັດຕະກຳໃຫມ່ໆກ່ຽວກັບລົດ, ຍົກລະດັບຂີດຄວາມສາມາດໃນການແຂ່ງຂັນທາງດ້ານການ ຄ້າ ແລະ ຍົກສູງຄຸນນະພາບໃຫ້ແກ່ການຊົມໃຊ້ ພາຫະນະທີ່ປະຢັດນ້ຳມັນໃນແຕ່ລະລຸ້ນ. ເພື່ອດືງດູດເອົາ ການ ລົງທຶນຂອງຕ່າງປະເທດເຂົ້າມາລາວ ແລະ ເພີ່ມທາງເລືອກໃຫ້ແກ່ ຜູ້ບໍລິໂພກ ໄດ້ເລືອກຊື້ລົດ ທີ່ມີຄຸນນະພາບ ແລະ ລາຄາສົມເຫດສົມຜົນ.

ທ່ານ ພອນຈັນ ເພັງສຸວັນ ຜູ້ອໍານວຍການບໍລິສັດ ພີພີໄຊໂຍ ເອັນເຕີເທັນເມັ້ນ ແອນ ອໍກາຍເຊີ ຈໍາກັດຜູ້ດຽວ ໄດກ່າວວ່າ: ປີນີ້ທາງບໍລິສັດພວກເຮົາ ຈະໄດ້ສ້າງຄວາມແຕກຕ່າງກວ່າປີທີ່ຜ່ານມາ ເມືອທ່ານຈອງລົດພາຍໃນ ງານຜ່ານ ທາງ ກຸງສີ ລິດຊິ້ງ ຈະມີສິດລຸ້ນ ຮັບລົດຈັກ zoomer x 1 ລາງວັນ, ສາຍຄໍຄຳ ໜຶ່ງສະຫຼຶງ 20 ລາງວັນ, ໂທລະສັບມືຖື ຈຳນວນ 100 ລາງວັນ ລວມມູນຄ່າທັງໝົດ 125.000.000 ກີບ.

ໃນຂະນະດຽວກັນຄາດວ່າຈະມີຜູ້ເຂົ້າຊົມງານໃນປີນີ້ ປະມານ 300.000 ຄົນຂຶ້ນໄປ. ສໍາລັບງານໃນຄັ້ງນີ້ ແມ່ນ ຈະມີຫ້າງຮ້ານ ແລະ ຄ້າຍລົດຕ່າງໆເຂົ້າຮ່ວມຫຼາຍກວ່າ 20 ຄ້າຍ ເປັນຕົ້ນແມ່ນ ໂຕໂຢຕ້າ, ຟອດ, ມາສະດ້າ, ຮ້ອນດາ, ຊູຊຸກິ, ອີຊູຊຸ, GM ແລະ ບັນດາບໍລິສັດສິນເຊື່ອ, ປະກັນໄພ, ອຸປະກອນຕົກແຕ່ງລົດ, ສະໜອງອາໄຫຼ່ ລົດ. ນອກຈາກນີ້ໃນງານຈະມີການເປີດໂຕລົດໃໝ່ໜຶ່ງຄ້າຍຄື: ຊູຊຸກິ ລຸ້ນ S-PRESSO ທີ່ມີການອອກແບບ ສວຍງາມ.

ພາບລວມບັນຍາກາດພິທີເປີດງານວາງສະແດງ Vientiane Motor show 2020

ພາບລວມພິທີເປີດງານວາງສະແດງ Vientiane Motor show 2020

 

ຄະນະເປີດງານເດີນທ່ຽວຊົມສິນຄ້າພາຍໃນງານວາງສະແດງ

ຄະນະເປີດງານໄດ້ມີການເຂົ້າຮ່ວມການເປີດໂຕລົດໃໝ່ຂອງ ຊູຊູກິ ລຸ້ນ S-PRESSO